Download Tag: ባንዴራ

ብመርሃዊ ወልደሚካኤል

ማሕፉዳ ተቓላሳይ፡ኣብ ክልተ ክፋላት ንህልው ኵነታት ኤርትራ ኣብ ዝምልከቱ ዝግበር ልዝብን ክትዕን ሓገዝቲ ክዀኑ ተስፋ ዝግበረሎም ሓሳብ ቀሪባ ትርከብ። ኣብ’ቲ ቀዳማይ፡ ብዙሕ እዋን ኣብ መራኸቢ ብዙሓን ብሃውሪ ንዝለዓሉ ኣምራት መብርሒ ትህብ፣ ኣብ’ቲ ካልኣይ ክፋል ድማ፡ ሓደ ተቓላሳይ ክገብሮም ዘለዎም ነገራትን ክህልዉዎ ዘልዎም ባህርያትን መርገጺታትን ብእማመ መልክዕ ኣቕሪባ ትርከብ። እዛ ስራሕ፡ ጸሓፊኣ ንምብህሃልን ንኽትዕን ዘዳለዋ ብምዃኑ፡ ብዘይ ክፍሊት ኣብ’ዚ መርበብ ሓበሬታ ኣሪድኩም ኣብ መቐመሪትኩም (ኮምፕዩተርኩም) ብምጽዓን ክትነቡዋ ትኽእሉ።

መርሃዊ ወልደሚካኤል፡ ንሓያሎ ዓመታት ኣብ ዝተፈላለዩ መሕበራዊ መራኸቢታት ስሑፋቱ ዘቕረበን ከም ጋዜጠኛ ራድዮ’ውን ዝሰርሐ ጸሓፊ ኰይኑ፡ ኣብ ቀረባ ግዜ ድማ ናይ ነዊሕ ልብ ወለድ ዛንታ መጽሓፉ ብምጽፋፍ ንምዝርጋህ ይቀራረብ ኣሎ።