መጽሓፍ ዕዮ ትግርኛ ሓደ – 2ይ ክፋል (Metsihaf Eyo Tigrinya Hade – Kifal 2)

መጽሓፍ ዕዮ ትግርኛ ሓደ – 2ይ ክፋል፤ ንባብን መላመድታትን

ብዮሴፍ ወርቀ ኣስራት

ቍ. ገጽ 112

መጽሓፍ ሓደ ቀዳማይ ክፋል ብግቡእ ዝተማህሩ ቈልዑ፡ ኣብ ምጅማር መጽሓፍ ሓደ ካልኣይ ክፋል ዘለዉ ፊደላትን ሰዓብቶምን፡ ብዙሕ ክብድሁዎም ይኽእሉ እዮም ዝብል ትጽቢት የለን። እዚ ትሕዝቶ፡ ከም ዳግማይ መንቀሊን መዘኻኸሪን ክውሰድ ይኽእል። ብፍሉይ ግን፡ ፊደላት ሳድስን ሳብዕን እኹል ኣቓልቦ ክንህቦም ከም ዝግባእ አዘኻኽር።

ቀጺሎም ዘለዉ፡ ኣብ ዝተፈላለየ ቴማታት ዘተኰሩ ትሕዝቶታት፡ ቈልዑ፡ ናይ ምንባብ፡ ኣንቢብካ ናይ ምርዳእ፡ ናይ ምጽሓፍ፡ ምስማዕን ምዝራብን ዓቕሞም ኣብ ቋንቋ ትግርኛ ንምምዕባል ዝተዳለዉ እዮም።

መጽሓፍ ሓደ ካልኣይ ክፋል፡ መባእታዊ ሰዋስው ከም ስም፡ ቅጽል ከምኡ’ውን ግሲ ብመጠኑ ትድህስሶም እያ። ኣውራ ክንድ ስም፡ ንጽል ድርብ ስም፡ ናይ ሕቶ ቃላት፡ ስርዓተ-ነጥቢ ቋንቋ ትግርኛ ከም ኣርባዕተ ነጥቢ፡ ክልተ ነጥቢ፡ ስለስተ ነጥቢ  ምኡ’ውን ምልክት ስምዒት ኣጠቓሊላ ኣላ። ቀንዲ ዕላማ ናይ’ዞም ትሕዝቶታት እዚኦም፡ ቈልዑ ኣብ ሰዋስው ቋንቋ ትግርኛ ሌላ ንኽህልዎም እዩ። ኣብ መጽሓፍ ክልተን ሰለስተን ግን፡ ብዕምቈት ተዳልዮም ኣለዉ።

ኣብ መዛዘሚ ዘሎ ትሕዝቶ፡ ናይ ቃል መኽዘን ኰይኑ፡ ቈልዑ፡ ነቶም ኣብ ቅድሚት ዘለዉ ፊደላትን ሰዓብቶምን ክምሃሩን መላመዲ ክሰርሑን ከለዉ ዘሎ ስእልታት ብቐሊሉ ንኽርድኡ ተባሂሉ ብቛንቋታት ሽወደንኛን እንግሊዝኛን ዝተዳለወ ስለ ዝዀነ፡  ጠቐምቲ እዛ መጽሓፍ፡ ኣቓልቦ ክህብዎ አዘኻኸር።